Требуется для просмотраFlash Player 9 или выше.

Статистика сайта

Касцёл Нараджэння Найсвяцейшай Панны Марыі ў Відзах.

Шчаслівыя вочы вашыя,
таму што бачаць,
і вушы вашыя,
таму што чуюць

(Мц. 13, 16-17).

Eзус
пасяліўся між намі.
Кожнага чалавека
ён адорвае сваёй любоўю, паказвае шлях
і аднаўляе надзею.
Маленькі Езус
хоча нас весці
праз усё жыццё.
Таму ноч Божага Нараджэння прасвятляе
сэнс чалавечага лёсу.
Божае Нараджэнне
дае нам таксама
пачатак новага жыцця.
На кожны дзень
дарогі праз гэты свет
няхай Бог вас бласлаўляе.

Уладзіслаў Блін, біскуп Віцебскі. Фота Антона Сцепанішчава, «НС».

Дарагія жыхары Віцебшчыны! Шчыра віншую ўсіх хрысціян, якія святкуюць Божае Нараджэнне 25 снежня.

На працягу двух тысячагоддзяў гэтае свята дорыць людзям надзею, умацоўвае веру. Святло каляднай зоркі грэе нашыя сэрцы, натхняе на міласэрныя ўчынкі і дапамагае глыбей зразумець адвечны сэнс евангельскіх запаведзяў, у аснове якіх – ўсёдаравальная Любоў.
Нараджэнне Хрыстова – урачысты час для кожнай сям’і, сімвал яднання шчаслівых бацькоў і дзяцей.

Рымска-каталіцкая царква на Віцебшчыне дэманструе актыўную дзейнасць у сацыяльным служэнні, ініцыіруе і ўдзельнічае ў міжнародных канферэнцыях, фестывалях, праводзіць выставы, пілігрымкі. Дзякуючы намаганням святароў і дабрачыннай каталіцкай місіі «Карытас» малазабяспечаныя сем’і, інтэрнаты, хворыя людзі, моладзь атрымліваюць матэрыяльную і духоўную дапамогу.
Напярэдадні Раства Хрыстова зычу вам захоўваць мір і спакой, паважліва ставіцца да традыцый нашых продкаў, цаніць вечныя хрысціянскія каштоўнасці.

Здароўя, шчасця, аптымізму, поспехаў ва ўсіх пачынаннях і радасных калядных свят!

З павагай А. М. Косінец, старшыня Віцебскага абласнога выканаўчага камітэта.