У культурнай сталіцы краіны 2010 года з вялікім поспехам прайшоў першы адкрыты фолк-фестываль «Полацкі сшытак», які сабраў лепшыя гурты Беларусі і Расіі, што працуюць у пазначаным напрамку. Генеральным партнёрам фестывалю выступіла кампанія «Мабільныя ТэлеСістэмы»...

Сённяшняй ноччу тысячы людзей адзначылі адно з самых любімых народных святаў – Купалле. Сотні вогнішчаў асвятлялі неба ў ваколіцах населеных пунктаў Віцебшчыны.
Так ужо гістарычна склалася, што Беларусь з’яўляецца ці не адзінай краінай у Еўропе, дзе рэлігійныя і народныя святы шырока адзначаюцца двойчы: па новым, грыгарыянскім, і старым, юліянскім, календары. Так што, у прыватнасці, на Купалле ў беларусаў ёсць дзве магчымасці загадаць жаданні – у ноч з 23 на 24 чэрвеня і з 6 на 7 ліпеня.
Гэтыя фотаздымкі мы зрабілі ў ваколіцах музея-сядзібы Іллі Рэпіна «Здраўнёва», дзе Купалле спраўлялі па грыгарыянскім календары. Як сказаў дырэктар музея Аляксей Сухарукаў, маглі б арганізаваць свята і па старым стылі, але не вытрымалі б канкурэнцыі з гарадскім пасёлкам Руба, дзе традыцыйна купаляць 6 ліпеня і куды збіраюцца людзі з усяго наваколля. У «Здраўнёве» ж святкавалі Купалле ўпершыню...