Адным з самых вядомых людзей Чашніччыны з’яўляецца Васіль Цяпінскі (Амельяновіч), беларускі пратэстанцкі перакладчык і пісьменнік другой паловы XVI ст. Удзельнічаў у Інфляндскай вайне, служыў у падканцлера ВКЛ Астафія Валовіча, апекуна рэфармацыйнага руху. В. Цяпінскі лічыцца пераемнікам Францыска Скарыны. У сваім маёнтку Цяпіна ён заснаваў друкарню, дзе выдаў перакладзенае на беларускую мову «Евангелле»...

Не так ужо і шмат турыстаў наведваюць сёння гэту найцікавейшую мясціну на самым захадзе нашай вобласці, на Пастаўшчыне. Аднак упэўнены, што Лынтупы з іх сядзібна-паркавым ансамблем Бішэўскага, касцёлам і маляўнічым наваколлем варты больш пільнай увагі. І параўнанне іх у загалоўку з галоўнай рэзідэнцыяй князёў Радзівілаў — зусім не парабольшванне...

Большасць самых вядомых гістарычных мясцін Віцебскага раёна знаходзяцца на Дзвіне. Гэта і зразумела, бо каля вады людзям заўсёды было лягчэй пракарміцца. Ды і гандаль у старажытнасці ў асноўным вёўся па галоўных на той час транспартных камунікацыях – рэках. Па тэрыторыі Беларусі (лічы Віцебшчыны) Дзвіна цячэ на працягу 328 км (агульная даўжыня 1020 км), і большая частка – у межах сучаснага Віцебскага раёна. А свой пачатак «бурштынавая рака» бярэ ў Расіі, на Валдайскім узвышшы, усяго ў 14 км ад вытоку Волгі...

Вясной 1800 года на Віцебшчыне і Магілёўшчыне (на той час яны складалі Беларускую губерню з цэнтрам ў Віцебску) адбыўся голад. Па загадзе цара Паўла І у крызісны рэгіён, які пасля падзелу Рэчы Паспалітай адносна нядаўна далучылі да Расійскай імперыі, быў адпраўлены сенатар і прыдворны паэт Гаўрыла Дзяржавін – будучы выхавацель і настаўнік Аляксандра Пушкіна. За некалькі месяцаў паездак па гарадах, мястэчках і вёсках інспектар выявіў прыкрыя факты гаротнага становішча сялян...

Пастаўшчына– радзіма Уладзіміра Дубоўкі, аднаго са знакавых паэтаў беларускага адраджэння пачатку ХХст. Ён нарадзіўся ў 1900 годзе ў вёсцы Агароднікі ў сям’і рабочага. Пасля заканчэння ў 1918 годзе Нова-Вілейскай настаўніцкай семінарыі (знаходзілася каля Вільні, але ў сувязі з вайной была пераведзена ў Невель) пераехаў у Маскву, дзе на той час жылі бацькі. Служыў у Чырвонай Арміі, пасля працаваў у Наркамаце асветы РСФСР, займаў пасаду адказнага сакратара прадстаўніцтва БССР пры ўрадзе СССР..

На пачатку навучальнага года дзесяцікласнікі Віцебскага кадэцкага вучылішча здзейснілі экскурсію па шэрагу раёнаў вобласці. Маршрут быў разлічаны на два дні. Ужо а шостай гадзіне раніцы былі ў Лескавічах Шумілінскага раёна. Тут царква Сергія Раданежскага, збудаваная ў псеўдарускім стылі з выкарыстаннем незвычайных для яго элементаў неараманскага...

Шматлікія паездкі на Браслаўшчыну зрабілі гэты край мілым майму сэрцу. Менавіта там нараджаюцца радкі: «Бог малюе абразы ў небе браслаўскіх азёр», цудоўна адпачываецца, гэта найлепшае месца для турызму і вандровак. Храмавае кола Браслаўшчыны – такое паняцце бытуе ў некаторых турыстычных даведніках, пра гэта зняты фільм. Але лепш пабачыць незвычайнае кола царкоўных пабудоў ужывую...

У свой час у Беларусі адбывалася актыўная барацьба «с пережитками прошлого», у тым ліку і з назвамі населеных пунктаў, у якіх хтосьці вельмі пільны знаходзіў крамольны падтэкст. Не заставаўся ўбаку і Сенненскі раён...

Старажытны чалавек любіў сяліцца ля вады, каб было лягчэй пракарміцца. А на Лепельшчыне 125 азёраў, не адна сотня кіламетраў рэк, самыя буйныя з якіх Бярэзіна, Эса, Ула. Таму ў гэтым рэгіёне Віцебшчыны так шмат гарадзішчаў, паселішчаў, стаянак нашых продкаў. Археолагамі ўжо даказана, што людзі тут жылі 9 тыс. гадоў таму. Але гэта не канчатковае датаванне...