«У Мінску цела Беларусі, а ў Полацку яе душа», — кажуць паэты. А тысячы юдзей штогод спраўджваюць гэтыя словы, ідучы на паклон да святой Еўфрасінні Полацкай — нябеснай апякункі нашага народа, яго заступніцы перад Богам. У кожнага чалавека свой шлях да храма. Для беларусаў гэты шлях не можа не прайсці праз Полацкі Спаса-Еўфрасіннеўскі манастыр..

Указам Прэзідэнта Беларусі вымпелам «За мужнасць і стойкасць у гады Вялікай Айчыннай вайны» сёлета ўзнагароджаны горад Лепель, гарадскія пасёлкі Расоны і Сураж.Мы вырашылі перагартаць гераічныя старонкі змагання за Перамогу жыхароў гэтых населеных пунктаў Віцебшчыны...

Сёння спаўняецца 75 гадоў Уладзіміру Папковічу – беларускаму паэту, перакладчыку, выкладчыку ВДУ імя П. Машэрава і колішняму супрацоўніку «Народнага слова». Ён аўтар вершаваных зборнікаў «На досвітку», «Зерне», «Самы кароткі цень», гумарыстычнага «Вы будзеце смяяцца» і зусім новага...

Міжнародны дзень роднай мовы адзначаецца 21 лютага па ініцыятыве ЮНЕСКА з 2000 года. А што ўкладваем у паняцце, адчуванне роднай мовы мы? Аб гэтым і спыталіся ў людзей самага рознага ўзросту і сацыяльнага статуса.Галіна Сухава, настаўніца вышэйшай катэгорыі, выкладае беларускую мову і літаратуру ў віцебскай гімназіі №5...

Паставы ў бліжэйшыя выхадныя будуць святкаваць сваё 600-годдзе. Першае пісьмовае ўпамінанне аб паселішчы прыпадае на 1409 год. Пачыналася яно з вёскі Пасаднік.Ёсць у гісторыі гарадка, асабліва найноўшай, адна адметнасць, пра якую хочацца расказаць. На працягу шасці стагоддзяў існавання Паставы не міналі войны. Але гарадок заставаўся неяк убаку, тут не адбывалася вялікіх бітваў.
А вось ХХ стагоддзе зрабіла яго мілітарным паселішчам. Да пачатку Першай сусветнай вайны тут штолета наладжвалася конная падрыхтоўка афіцэраў расійскага Генеральнага штаба, праводзіліся паляванні (конна, з сабакамі), прыязджалі вялікія князі. У час Першай сусветнай вайны тры гады нямецка-расійскі фронт праходзіў па ўскрайку мястэчка. Але яно няшмат пацярпела. З тых часоў захаваліся шматлікія жалезабетонныя доты на ўскраіне горада. Дарэчы, ёсць фотаздымак, зроблены ў 1918 годзе на мітынгу з прычыны заканчэння Першай сусветнай. На ім на цэнтральнай плошчы прадстаўнікі розных нацыянальнасцей, розных канфесій: каталікі, праваслаўныя, мусульмане, іудзеі...