Старонка для падлеткаў i моладзiО работе милиции

Что советуют медикиНовости спорта

У Оршы апошні тыдзень лістапада прысвечаны памяці Уладзіміра Караткевіча. У мінулы чацвер, у дзень 79-х угодкаў знакамітага пісьменніка, прыхільнікі яго творчасці прыйшлі да помніка пісьменніку і ўсклалі кветкі.
Аршанцы шануюць памяць славутага земляка, ведаюць мясціны, дзе ён любіў бавіць час. Дасведчанасць гараджан пра жыццё і творчасць пісьменніка – вынік працы мясцовай інтэлігенцыі: супрацоўнікаў музейнага комплексу «Гісторыя і культура Аршаншчыны», бібліятэкараў, настаўнікаў.
Дырэктар музея Ул. Караткевіча Галіна Юркевіч расказала, што, прапагандуючы творчасць знакамітага земляка, супрацоўнікі ўстановы адначасова прапагандуюць і творчую эліту свайго горада і краіны. Напрыклад, аршанская моладзь удзячна музею за вечарыну «Я сумую па Радзіме» з удзелам паэта і барда Зміцера Вайцюшкевіча. А на творчую сустрэчу з вядомым беларускім пісьменнікам Уладзімірам Арловым прыйшлі ў асноўным сталыя людзі, якія цікавяцца гісторыяй станаўлення беларускіх гарадоў: менавіта пра гэта пісьменнік напісаў шэраг артыкулаў і кніг.
Сёлета ў музеі адбыліся прэзентацыі кнігі «222 альбомы беларускага року» і дыска «Галасы У. Караткевіча, Л. Геніюш і Р. Барадуліна». Адзначылі тут 60-годдзе гурта паэтаў Оршы «Дняпроўскія галасы» і Цэнтра дзіцячай творчасці. Спадабалася аршанцам і выстава «Прайду па Фестывальнай», дзе былі прадстаўлены матэрыялы пра фестывалі, якія праводзіліся ў Оршы. Усе мерапрыемствы ў музеі праходзяць пры падтрымцы школ, бібліятэк, гарадскога Цэнтра культуры горада. Напрыклад, навучэнцы дзіцячых школ мастацтваў забяспечваюць музычнае суправаджэнне вечарын, выстаў і літаратурных чытанняў.
Есць і зваротная сувязь з удзельнікамі мерапрыемстваў у музеі. Так, скульптар Ю. Палякоў, выстава якога адкрылася напярэдадні тыдня, прысвечанага Ул. Караткевічу, падарыў музею невялікую драўляную скульптуру: пісьменнік сядзіць у берэце і глядзіць удалячынь, а ля ног трэцца кацяня. Такім чынам, у музеі стала больш яшчэ на адзін каштоўны экспанат. А вучні СШ №20 зрабілі для наведвальнікаў музея іншы падарунак: паказалі п’есу-казку «Брэменскія музыкі», пераклаўшы яе з рускай мовы на беларускую.
На ўгодкі Караткевіча традыцыйна ладзіць сваю імпрэзу і студэнцкая моладзь. І на гэты раз юнакі і дзяўчаты прыедуць у Оршу з Полацка, Віцебска і Мінска, будуць чытаць вершы і спяваць пад гітару для наведвальнікаў музея.
Прыходзьце, прыязджайце сюды: тут усім рады і ўсім будзе цікава.

Интересное видео

Новости Витебщины

Тематические страницы

Читателям

Чтобы улучшить связь с читателями, «Народнае слова» открывает виртуальную «жалобную книгу». На нашем сайте вы можете оставить свое замечание по любому поводу.

Календарь материалов

Архив новостей

Архив новостей по месяцам

Опрос сайта

Новости Беларуси

28.11.2009

Новость посмотрели: 4576

Рейтинг материала:

Данная новость взята из рубрики:

Похожие новости по теме :