Требуется для просмотраFlash Player 9 или выше.

Статистика сайта

Завяршыліся сцэнічныя чытанні «Школьны тэатр-14». Адзін з іх удзельнікаў і ўладальнік галоўнага прыза са спектаклем «Пясчаны замак» – узорная тэатральная студыя гімназіі №8 «Дарослыя дзеці» – носіць, я лічу, вельмі сімвалічную назву. Па сутнасці, вучні, якія кожны год выступаюць на эксперыментальнай сцэне тэатра імя Якуба Коласа, усё ж такі для бацькоў і журы ўсё роўна застаюцца дзецьмі. Гэта нягледзячы на тое, што ў спектаклях яны пражываюць дарослае жыццё, прымяраюць на сябе складаныя лёсы, няпростыя характары, якія мяняюць светаўспрыманне і прымушаюць па-іншаму ставіцца да ўсяго.
У гэтым годзе конкурсная праграма была прымеркавана да 65-годдзя Вялікай Перамогі, таму «даросласць» вучняў спатрэбілася ў поўнай меры, бо тэма вайны патрабуе сапраўднай сур’ёзнасці. Увогуле мэты школьнага тэатра таксама даволі сур’ёзныя. Гэта ж не проста «прыйшоў, паглядзеў, пайшоў» – тут выхоўваецца моладзь сродкамі тэатральнага мастацтва, прапагандуецца беларуская драматургія на тэатральнай сцэне, рыхтуюцца будучыя сталыя гледачы. А яшчэ гэта пачатак шляху да вялікай сцэны, бо журы сцэнічных чытанняў карыстаецца правам рэкамендаваць лепшых ваканаўцаў роляў для паступлення ў Беларускую дзяржаўную акадэмію мастацтваў.
Дзесяць спектакляў па творах беларускіх аўтараў паказалі вучні 9-11 класаў. Як зазначыла загадчык літаратурна-драматычнай часткі тэатра імя Якуба Коласа Святлана Дашкевіч, «хочацца, каб у фестывалі прымалі ўдзел не толькі тэатральныя калектывы з Віцебска, але і з вобласці».
Па выніках чытанняў было ўручана 36 дыпломаў і памятных прызоў. Першае месца раздзялілі драматычны калектыў віцебскай СШ №28 за спектакль «Госць прыходзіць на золкім світанні» паводле У. Караткевіча пра складаны лёс мастака Антося Доўгага, які застаецца ў акупіраваным Мінску і змагаецца за сваё жыццё ў адзіночку, і школьны тэатр «Рамантык» гімназіі №5 за спектакль «З вяршыні відаць далей» паводле К.Губарэвіча. Таксама былі адзначаны лепшыя жаночыя і мужчынскія ролі, эпізоды. Узнагароджаны калектывы за лепшую сцэнаграфію спектакля, патрыятычнае выхаванне сродкамі тэатра, за адметную распрацоўку маладзёжнай тэматыкі на сцэнічных чытаннях…
Школьны тэатр пакуль знаходзіцца ў падлеткавым узросце, бо яму толькі 14 год. І ўсё ж ён сталее год ад году. Заваюе дарослыя пазіцыі сярод мноства іншых мерапрыемстваў горада ці не – пакажа час.

Марыя Лялькіна.

Дорогами героев

Завтра в Минске стартует молодежный марафон «65!», организуемый БРСМ в память о Великой Победе. Его маршрут пролегает через все областные центры, а завершится он 3 мая на мемориальном комплексе «Курган Славы».
В Витебск участники марафона прибудут завтра в 14.30. Колонна в сопровождении ГАИ, байкеров мотоклуба «Псы дорог» и тюнингованных машин проследует к памятнику «Орден Победы» возле ВГУ им. П. Машерова. Там в 15.00 состоится митинг с участием властей города, молодежи, ветеранов войны и труда. После этого зрителей ожидает захватывающее спортивно-техническое шоу.
А завершит программу марафона в областном центре концерт «Салют Победе!» с участием известных белорусских исполнителей на площадке перед КЗ «Витебск». Начало в 18.00. Приходите!

Екатерина Князева, «НС».