Требуется для просмотраFlash Player 9 или выше.

Статистика сайта

Пад такой назвай-заклікам на Браслаўшчыне сёння стартуе месячная акцыя, мэта якой прыцягнуць увагу мясцовага насельніцтва, асабліва дзяцей і моладзі, да мілагучнага беларускага слова, да твораў класікаў роднай літаратуры. Запланаваны шэраг мерапрыемстваў, у тым ліку нарада бібліятэчных работнікаў.

Акцыя «завітае» не толькі ў бібліятэкі, але і ў школы, на прадпрыемствы. Паўсюдна будуць распаўсюджвацца лістоўкі-заклікі чытаць па-беларуску, памяткі  аб творчасці знакамітых літаратараў, якія нарадзіліся ў гэтым месяцы.

– Мы вельмі ўважліва падышлі да планавання мерапрыемстваў у Год кнігі, – кажа дырэктар цэнтралізаванай бібліятэчнай сістэмы Браслаўскага раёна Вольга Ляснеўская (на фота).– Літаральна ва ўсіх бібліятэках пройдуць дні паэзіі, вечары-сустрэчы з мясцовымі літаратарамі, членамі Саюза пісьменнікаў Беларусі.

Дзякуючы матэрыяльнай дапамозе раённай ўлады, у канцы мінулага года на паліцах бібліятэк з’явілася шмат добрых сучасных кніг, запатрабаваных сёння чытачом. У сярэднім паказчык укамплектавання беларускай літаратурай ад агульнай колькасці фондаў бібліятэк раёна склаў 16,2%.

Дзіяна Берніковіч, фота аўтара, «НС».