Требуется для просмотраFlash Player 9 или выше.

Статистика сайта

18 красавіка, на наступны ж дзень пасля даклада ў Прэзідэнта і адабрэння кіраўніком дзяржавы прапанаванай канцэпцыі развіцця Полацка, у прыватнасці, стварэння турыстычнай інфрастуктуры ў раёне Спаса-Еўфрасіннеўскага манастыра і Сафійскага сабора, старшыня аблвыканкама Аляксандр Косінец пабываў у гэтым горадзе.

Згодна з канцэпцыяй, на добраўпарадкаванне гістарычнай  тэрыторыі плошчай  149 гектараў і ўзвядзенне запланаваных аб’ектаў патрэбна 2 трыльёны рублёў. На пасяджэнні ў гарвыканкаме А. Косінец падкрэсліў, што Полацк, Полацкі раён і Наваполацк — адзінае цэлае,  таму рэалізацыя канцэпцыі з’яўляецца агульнай справай. Інвестарам, якія далучацца да ажыццяўлення маштабнага праекта, гарантаваны льготы і прэферэнцыі згодна з Дэкрэтам Прэзідэнта №10 «Аб стварэнні дадатковых умоў для інвестыцыйнай дзейнасці ў Рэспубліцы Беларусь». Завяршыць усе работы запланавана да 2015 года.

Адно з актуальных пытанняў, на якое звярнуў увагу А. Косінец, гэта  выкананне Комплекснай праграмы развіцця Полацка на 2008-2012 гады, зацверджанай указам Прэзідэнта. Спыняючыся на кожным пункце, дэталёва аналізуючы работу абласных і гарадскіх структур, губернатар неаднаразова падкрэсліў неабходнасць рэалізацыі большасці мерапрыемстваў. Гэта  рэстаўрацыя кінавідэацэнтра «Радзіма» і Доміка Пятра I, рамонт гарадскіх вуліц, глядзельнай залы Гарадскога палаца культуры, спарткомплексаў «Спартак» і «Хімік», стадыёна «Лакаматыў» і інш. Павінны быць праведзены капітальны рамонт жылля, пабудаваны дзіцячы садок у мікрараёне Аэрапорт, завершаны праект водазабеспячэння ў раёнах індывідуальнай забудовы Спас-Слабада, Лазоўка, Грамы і вадаводаў інжынерных сетак у мікрараёне Аэрапорт, ўстановы аховы здароўя выведзены з зоны запаведніка на Верхнім замку.

Многія мерапрыемствы Праграмы ўжо выкананы, але застаюцца і праблемныя пазіцыі:  добраўпарадкаванне водаахоўнай зоны ў раёне Кургана Бессмяротнасці, вывад ліцейнай вытворчасці ААТ «Тэхналіт Полацк» з цэнтральнай часткі горада, будаўніцтва пешаходнага моста праз Заходнюю Дзвіну, новай гасцініцы, Палаца гульнёвых відаў спорту. Губернатар падтрымаў ідэю гарадскіх улад рэканструяваць былы Дом афіцэраў пад канцэртную залу, але запатрабаваў дакладна вызначыць, якія перспектывы ў дадзенага аб’екта культуры.

Напярэдадні 1150-годдзя кіраўнік вобласці звярнуў пільную ўвагу на эстэтычны выгляд Полацка. Павінны быць адрамантаваны фасады будынкаў, асабліва гістарычных, устаноўлены білборды, добраўпарадкаваны вуліцы, прамысловыя і дваравыя тэрыторыі, у тым ліку, у прыватным сектары. Парадак трэба навесці паўсюль – на вакзалах, у медыцынскіх і навучальных установах, на пад’язных дарогах да горада і аўтастаянках, аб’ектах прыдарожнага сервісу.

Да непасрэднага правядзення юбілейных мерапрыемстваў павінна далучыцца ўся Віцебшчына. Выступленне зорак беларускай эстрады, творчых калектываў вобласці, гандлёвае прадстаўніцтва, выставы дасягненняў эканомікі, дзіцячыя пляцоўкі, арганізацыя належнага санітарнага стану і ахова правапарадку – кожны з аспектаў павінен быць улічаны.

Асаблівую ўвагу кіраўнік вобласці прапанаваў звярнуць на ветэранаў, на ўмовы адпачынку для моладзі. Усе сферы  горада павінны быць гатовы да свята, кожны палачанін абавязаны ўнесці свой уклад у яго  добраўпарадкаванне. Тое самае тычыцца Полацкага раёна і суседняга Наваполацка.

Губернатар выступіў з ініцыятывай, якая знайшла актыўную падтрымку, – правесці абласны суботнік у гонар 1150-годдзя Полацка, а заробленыя сродкі накіраваць у бюджэт горада. Духоўны цэнтр Беларусі варты такой увагі.

А. Косінец таксама наведаў гісторыка-філалагічны факультэт і факультэт інфармацыйных тэхналогій Полацкага дзяржаўнага ўніверсітэта. Ён падкрэсліў неабходнасць развіваць матэрыяльную базу, павялічыць фонды бібліятэкі, стварыць у Полацку і Наваполацку цэнтры па працаўладкаванні моладзі, паставіў задачы на бліжэйшы час: добраўпарадкаваць тэрыторыю, інтэр’ер гістарычных будынкаў, прывесці іх у належны стан. Такія ж патрабаванні выказаў старшыня аблвыканкама і падчас наведвання вяслярнай базы.

Аляксандр Замкоўскі, «Полацкі веснік».