Требуется для просмотраFlash Player 9 или выше.

Статистика сайта

І. Яўсееў, начальнік УДВП В. Агнісцікаў і П. Шакола.

Будынак канца ХІХ – пачатку ХХ ст.ст. на вул. Калініна ў Віцебску, што з ліку гісторыка-культурных каштоўнасцяў, адкрыўся пасля рэстаўрацыі. Такі падарунак напярэдадні Новага года зрабілі ААТ «Віцебскпраектрэстаўрацыя» і прадпрыемства «СтройСфера» (генеральны праекціроўшчык і выканаўца работ) гораду, а таксама ўпраўленню Дэпартамента выканання пакаранняў па Віцебскай вобласці. Гэтая структура месцілася ў старым будынку з 2006 года.

Па словах дырэктара будаўнічай кампаніі Леаніда Лесуна, падчас работ імкнуліся захаваць стылістыку і аўтэнтычнасць вонкавага выгляду, старую цэглу, аднак пры гэтым надбудавалі мансардны паверх, цалкам змянілі планіроўку ўнутры, інжынерныя сістэмы і вонкавыя сеці.

У кастрычніку 2011 года аб’ект быў уключаны ў Дзяржаўную інвестыцыйную праграму 2011-2012 гг., і кошт рэканструкцыі склаў 8,4 млрд. рублёў. Будаўніцтва пачалося ў маі 2012 года і завяршылася ў лістападзе.

Супрацоўнікі ўпраўлення вярнуліся ў адноўленыя сцены ўпраўлення і зазначылі, што цяпер у іх цёпла, камфортна, а галоўнае, зроблена ўсё гэта даволі хутка.

– Створаны аптымальныя ўмовы для якаснай працы асабістага саставу ўпраўлення, а гэта каля 25 чалавек, – распавёў намеснік начальніка Дэпартамента выканання пакаранняў МУС Беларусі Павел Шакола. – З’явілася паўнавартасная дзяжурная частка, ёсць спартыўная і актавая залы, архіў, устаноўлена сістэма відэаназірання.
А начальнік УУС аблвыканкама Ігар Яўсееў адзначыў, што новыя ўмовы працы пры тым цесным супрацоўніцтве, што наладжана з іншымі падраздзяленнямі, павінны яшчэ больш паспрыяць барацьбе з крыміналам і злачынствамі, а міліцыянерам ён паабяцаў некалькі кватэр у кааператыве, што запланаваны на 2013 год.

Кацярына Князева, фота аўтара, «НС».