Требуется для просмотраFlash Player 9 или выше.

Статистика сайта

У мінулыя выхадныя прайшлі матчы апошняга тура чэмпіянату Беларусі па баскетболе. Віцебскі «Рубон» прымаў на сваёй пляцоўцы асіповіцкую «Свіслач».

Для віцяблян, якія загадзя забяспечылі сабе месца ў першай чацвёрцы, гульня асаблівых турнірных дывідэндаў не несла. Госці ж, за якіх прыехала хварэць нямала ўласных прыхільнікаў, выйшлі, як на апошні бой.

Апладысментамі сустрэлі заўзятары капітана гасцей, ссівелага 100-кілаграмовага волата Андрэя Ольбрэхта, які паспеў пазмагацца на адным паркеце з легендарным Арвідасам Сабонісам, у складзе маскоўскага ЦСКА двойчы станавіўся чэмпіёнам Расіі. Аксакал беларускага баскетбола і зараз даў фору многім удвая маладзейшым атлетам.

Першую палову сустрэчы каманды прайшлі ўпоравень, але правальная для віцяблян трэцяя чвэрць дазволіла гасцям вырвацца наперад на 11 ачкоў. Пераможны лік яны захавалі да заканчэння сустрэчы. Тым не менш удзячныя віцебскія заўзятары праводзілі сваіх хлопцаў гучнымі воплескамі, а на арэну Віцебскага ЦСК паляцелі рознакаляровыя шары.

Такім чынам, у нашай падгрупе склалася наступнае становішча: «Гродна-93» (47 ачкоў), «Сож» (42), «Рубон» (35) і «Свіслач» (34). У суботу «Рубон» прымае на сваёй пляцоўцы «Сож». Пасля перамогі ў Кубку Беларусі віцяблянам у гэтым сезоне яшчэ не ўдавалася адольваць гомельскую каманду.

Алесь Бынькоў, фота аўтара, «НС».