Требуется для просмотраFlash Player 9 или выше.

Статистика сайта

У Дзень Перамогі Багушэўск аддаваў даніну памяці не толькі воінам-вызваліцелям. Тут па ініцыятыве мясцовага пассавета адкрыўся помнік лётчыкам Александру Жураўлевічу і Александру Марфіцкаму Ваенна-Паветраных Сіл Беларусі, якія коштам уласнага жыцця выратавалі сотні людзей.

30 жніўня 2009 года ў польскім горадзе Радам падчас выканання фігуры вышэйшага пілатажу самалёт СУ-27 імкліва пачаў страчваць вышыню. У экіпажа ў складзе палкоўнікаў Жураўлевіча і Марфіцкага была магчымасць катапультавацца, але пад самалётам знаходзіліся гледачы авіяшоў і дамы невялікай польскай вёскі. Пілоты прынялі рашэнне адвесці машыну як мага далей…

Указам Прэзідэнта Рэспублікі Беларусь лётчыкі пасмяротна ўзнагароджаны ордэнамі «За асабістую мужнасць». У іх гонар усталяваны помнікі ў Баранавічах, дзе яны служылі, а таксама ў польскім Радаме. І вось цяпер памятны знак «Крыло бессмяротнасці» ўстаноўлены ў парку каля Багушэўскай СШ №1, якую скончыў Аляксандр Марфіцкі.

Сярод удзельнікаў цырымоніі былі родныя А. Марфіцкага: жонка Даміра і дачка Ірына, а таксама дачка А. Жураўлевіча Вольга.
Прагучаў салют. Падножжа помніка хутка запоўнілася кветкамі. У гэты дзень вучні 4-х класаў былі ўрачыста прынятыя ў піянеры.

Вольга Бандарэвіч, Сянно.