Жыццяпіс жыхаркі Чашнікаў Яўгеніі Рагуцкай (на фота) можна параўнаць з добрым сцэнарыем для шматсерыйнага фільма. Можа, ён бы і не атрымаў «Оскар», але, відавочна, дае фору многім «мыльным операм» нашага часу. Столькі ўсяго змясцілася ў сціплых біяграфічных звестках ураджэнкі Лепельскага раёна, якая сёлета адзначыць 90-годдзе. Таму і свой аповед пра Яўгенію Іванаўну вырашыў падзяліць на раздзелы-серыі...

 З мужам і жонкай Чэркасамі, якія жывуць у аграгарадку Сяляўшчына Расонскага раёна, пазнаёміла старшыня Янкавіцкага сельсавета Таццяна Кальніна. Цудоўныя людзі, кажа, і дужа дбайныя гаспадары. Надзея Васільеўна былы школьны кухар, зараз пенсіянерка, а Васіль Іванавіч працуе вадзіцелем у Расонскім ДРБУП №109. Па гаворцы чуваць, што яны не з мясцовых...

Светлы позірк добрых удумлівых вачэй, пачуццё народнага гумару, нязломная вера, пранесеная праз усе бязбожныя часы, і выдатная памяць, якая да драбніц захоўвае ўсе вехі доўгага жыцця – такой сустрэў гэтымі восеньскімі дзянькамі Паўліну Аляксандраўну Кліп, жыхарку мястэчка Лынтупы, што на Пастаўшчыне. Сёлета гэтая па-ранейшаму абаяльная кабета адзначыла сваё 100-годдзе. Колькі ж уладаў перажыла яна за гэты час!...

Усе карані Генрыха Шапеля (на фота) – у мястэчку Лынтупы Пастаўскага раёна. «Бацькі мае, і дзяды, і прадзеды жылі тут», – кажа гэты з хітрынкай у вачах жвавы дзядуля. Нарадзіўся ён у 1931 годзе, калі гэтыя землі ўваходзілі ў склад Польшчы. Аднак не лічыць, што так ужо было ўсё кепска пад «прыгнётам панскім», калі на зямлі быў гаспадар, «які жыў сам і даваў жыць іншым»...

Міжнародны фестываль песні і музыкі «Дняпроўскія галасы ў Дуброўне» проста нельга ўявіць без Мікалая Пашынскага, заслужанага дзеяча культуры Беларусі, ганаровага грамадзяніна горада Дуброўна. Ён спрычыніўся да ўсіх гэтых 18 грандыёзных святаў народнай творчасці Падняпроўя. Спачатку як начальнік упраўлення культуры аблвыканкама, а з нядаўняга часу, будучы на заслужаным адпачынку, як член фестывальнага аргкамітэта. І заўжды – як шчыры патрыёт Дубровеншчыны, бо нарадзіўся і вырас у тутэйшай вёсцы Дзяцель...

Калі размаўляў з гэтай абаяльнай жанчынай на новалукомльскай вуліцы, да нас не раз падыходзілі выпадковыя прахожыя, каб павітацца, перакінуцца парай слоў. Не дзіва: Наталля Томашава (на фота) без перабольшання з’яўляецца адным з сімвалаў гэтага юнага горада на Чашніччыне, адной з яго самых вядомых асобаў. Нарадзілася Наталля Мікалаеўна на Урале...

Усё менш застаецца ветэранаў Вялікай Айчыннай: няўмольны час забірае іх аднаго за адным у вечнасць. Рыгор Данілавіч Бацюлёў з Езярышча, што на Гарадоччыне, захаваў светлы розум і пачуццё гумару, ды яшчэ раз-пораз дэманструе свае музычныя таленты для землякоў са сцэны мясцовага Дома культуры. Нарадзіўся Рыгор Данілавіч у 1925 годзе ў вёсачцы Залешна, якая ўжо знікла з карты, пакінуўшы толькі назву аднайменнаму возеру...